Skrímslum vel tekið

Sýningu Kómedíuleikhússins á Skrímslum, sem haldin var hér í Möguleikhúsinu á vegum Náttúrufræðistofnunar Íslands, í hádeginu í gær, miðvikudag, var með eindæmum vel tekið. Það var greinilegt að náttúrufræðingarnir kunnu vel að meta þennan óvenjulega fyrirlestur skrímslafræðingsins Jónatans. Þó var greinilegt að sumir vissu ekki alveg hvaðan á þá stóð veðrið, enda vanari hefðbundnari fyrirlesurum. Þarna er kannski kominn nýr vettvangur fyrir leikhúsið, að bjóða leiksýningar í dulargerfi fyrirlesturs.