Mikið fjallað um úthlutanir til leikhópa

Það hefur verið talsverð umfjöllun í fjölmiðlum síðustu daga um úthlutanir Menntamálaráðuneytisins til sjálfstæðra leikhúsa og þá staðreynd að þar er Möguleikhúsið sett út í kuldann að þessu sinni. Við í Möguleikhúsinu sitjum sveitt við það að reyna að finna lausn á málinu, munum ekki hætta starfseminni hér þegjandi og hljóðalaust. Þetta hefur haft þau áhrif að lítt hefur verið unnt að sinna annarri vinnu, æfingar á Aðventu hafa að mestu legið niðri, en vonandi gefst okkur eitthvert tóm til að halda þeim áfram á næstunni. Í morgun var viðtal við Aino Freyju Järvelä í morgunútvarpi Rásar 1 þar sem fjallað var um styrkveitingarnar. Viðtalið má heyra á þessari slóð:

http://dagskra.ruv.is/streaming/ras1/?file=4379699/6

Í ljósi þeirrar athygli sem Möguleikhúsið og saga þess hefur fengið undanfarið fylgir hér ein mynd af fyrstu sýningu leikhússins vorið 1990, en það var Grímur og galdramaðurinn eftir Pétur Eggerz.

Athugasemdir

[Elfar Logi Hannesson (IP-tala skráð) 5.2.2008 kl. 17:24]

Öll umræða er af hinu góða og vonandi leiðir hún að góðri niðurstöðu líka - allavega að það komi uppá borðið hver stefna Leiklistarráðs sé. Við sem höfum unnið í barnaleikhúsi síðustu ár vitum öll og getum meira að segja vottað það hve Möguleikhúsið hefur umbyllt barnaleikhúsi og bara barnamenningu almennt hér á landi. Því hýtur það að vera krafa að ráðuneytið skelli fimmára samningi á borðið til handa Möguleikhúsinu.